The Source – Ísland. Pöntun

Forsíða myndarinnar The Source - Ísland sem kemur út í nóvember

Jæja þetta er orðið að daglegum viðburði að skrifa hérna inn – aldrei þessu vant. Tilefnið er að sjálfsögðu væntanleg útgáfa myndarinnar The Source – Ísland sem von er á um miðjan nóvember.

Myndin fjallar um ferðalag þessara kvikmyndagerðarmanna um landið í leit að ævintýrum og flottri fluguveiði. Þau ferðuðust hringinn í kringum Ísland og eltust við sögur um risafiska og frábæra veiði ásamt því að veiða í mörgum af okkar flottustu ám. Ég ætla ekkert að skemma upplifun ykkar af myndinni en segja bara það að í myndinni er farið yfir laxveiði, bleikjuveiði, urriðaveiði og sjóbirtingsveiði og er það flottasta sem ég hef séð af veiði á Íslandi.

Fyrir eru komnar út tvær myndir í sama flokki, The Source – Tasmanía og The Source – Nýja Sjáland. The Source – Ísland er nýjasta afurðin og hefur verið textuð á íslensku og valmyndin og kápan líka svo búið er að leggja metnað í að gera myndina hæfa til útgáfu á Íslandi. Eins og áður segir er stefnt að því að myndin lendi á klakanum um miðjan nóvember og verður henni þá dreift í búðir en það er ég og mitt fyrirtæki sem mun sjá um dreifingu á Íslandi.

Í tilefni af útkomu myndarinnar mun ég bjóða sérstakan tilboðspakka á öllum þremur myndunum ásamt því að hægt er að panta The Source – Ísland á netinu. The Source – Ísland mun kosta kr. 4.990.- hjá mér en tilboðspakkinn með öllum þremur myndunum verður á kr. 9.990.- Innifalið í verðinu er heimsending hvert á land sem er.

Myndirnar tvær sem á undan eru komnar eru ekki með íslenskum texta og því verða þær ekki seldar í búðum. Þennan pakka er einungis hægt að fá hjá mér en ég þarf að vita svona sirka hver áhuginn á pakkanum er og þess vegna ráðlegg ég áhugasömum að leggja inn pöntun fyrr en seinna. Menn þurfa helst að vera búnir að panta tilboðspakkann fyrir 20. nóvember.

Hægt er að nálgast allar upplýsingar um málið með því að smella hér!!!

Eða hreinlega senda mér póst á info@icelandangling.com

Sýnishorn úr myndinni