The Source – Ísland er ný stangveiðimynd sem mun koma út á Íslandi í næstu viku. Myndin var tekin upp hér á landi sumarið 2009 og sýnir fluguveiði á Íslandi með augum útlendingsins – öðruvísi en við höfum nokkurn tímann séð áður. Ég var svo heppinn að fá að taka þátt í þessari vinnu og sótti það fast að texta myndina með íslenskum texta og koma henni í dreifingu hér á landi. Nú er þetta loksins að bresta á og orðið ljóst að myndin lendir á Íslandi í næstu viku.
Upphaflega reiknaði ég með því að myndin yrði komin til landsins í þessari viku en tímarammi framleiðandans stóðst ekki og því staðreynd að myndin lendir ekki fyrren á þriðjudag – miðvikudag í næstu viku (16. – 17. nóv.).
Ég hef undanfarið verið með möguleika á að forpanta myndina eða sérstakan tilboðspakka með öllum þremur myndunum úr The Source seríunni. Fyrri myndirnar eru The Source – Tasmanía sem fjallar um æðislega urriðaveiði á Tasmaníu, stærstu eyju Ástralíu. Hér má sjá sýnishorn úr þeirri mynd.
Og svo The Source – Nýja Sjáland sem eins og nafnið gefur til kynna leiðir okkur inn í silungsveiði á Nýja Sjálandi. Hér má sjá sýnishorn úr þeirri mynd.
Smelltu hér til að fá upplýsingar um hvernig hægt er að panta tilboðspakkann á netinu. Smelltu hér til að gerast aðdáandi The Source – Ísland á Facebook og fylgjast með nýjustu fréttum. Að lokum má hér sjá sýnishorn úr The Source – Ísland.
Filed under: fluguveiði, flyfishing, Stjaniben, Stjáni Ben, Veiði, video Tagged: | DVD, fluguveiði, stangveiðmynd, the source, veiðimynd
