Nú er farið að styttast all verulega í fyrstu fluguveiði kvikmyndahátíð sem haldin hefur verið hér á landi. Hátíðin heitir RISE og verður haldin í Bíó Paradís, Hverfisgötu 54 þann 17. febrúar n.k. og opnar húsið kl. 19.30 með kynningum frá Veiðiþjónustunni Strengjum, Mexíkó ferðum með Iceland Angling Travel, veiðigræjum, vöðlum, stöngum og hjólum frá IMAGO ásamt því að hægt verður að kaupa allar myndirnar sem sýndar verða á DVD á sérstöku tilboði fyrir gesti hátíðarinnar.
Bíó Paradís er með flottar veitingar til sölu og þar er líka fullt vínveitingaleyfi. Ekki það að ég sé að hvetja til drykkju en þetta er frábært tækifæri fyrir veiðifélagana að koma saman á fluguveiði kvikmyndahátíð, fá sér öllarar saman og koma sér í veiðigírinn með svaðalegasta veiðiefni sem sést hefur á Íslandi. Ekki nóg með það heldur er þetta allt sýnt af Blu ray diskum í bestu mögulega mynd- og hljóðgæðum. Þetta verður rosalegt.
Við höfum pantað sal 2 sem tekur 120 manns í sæti en höfum möguleikann á því að taka stærri sal sem tekur 220 manns í sæti. Auðvitað viljum við fá sem flesta til að skapa stemmninguna og líka til að negla það að gera þetta aftur að ári. Frá og með kvöldinu í kvöld eru 99 miðar farnir og þar af leiðandi aðeins 21 miði eftir. Vegna þess vill ég hvetja þá sem eru ákveðnir að koma að panta sér miða í tæka tíð svo við höfum sénsinn á að panta stærri salinn ef þess þarf.
Miðapantanir í síma: 8675200
Tölvupósti: rise@icelandangling.com
Eða bara í athugasemdunum hérna. Heimasíðan: www.icelandangling.com/rise
Hér eru sýnishorn úr myndunum sem sýndar verða:
Filed under: fluguveiði, flyfishing, Stjáni Ben Tagged: | Bíó, fluguveiði, kvikmyndahátíð, RISE
